Padayon karon ang pagpatigayon sang rapid antigen testing sa mga close contact sang nag positibo sa Covid-19.
Sang Sabado ginsugdan ang pagpatigayon sang rapid antigen test. Sa 599 nga ginpaidalom sa rapid antigen test ukon rat, 56 ang nagpositibo ukon 9.35 percent.
Suno kay Provincial Administrator Rayfrando Diaz ini ang mataas na. Dugang sila sa mga nag positibo damlag pa nga ginpaidalom sa RT-PCR test.
Suno kay Provincial Consultant Albee Benitez, gikan sa dose ka mga banwa kag siudad nga ginsakop sa amo nga testing plano karon nga iga expand ini sa bilog nga probinsya.
Tuyo sang amo nga tikang nga mas mapa dasig ang pag locate sang mga positibo sa virus agudto malikawan ang pag lapta pa gid sang Covid-19.
Suno kay Diaz, 75 percent sa mga positve cases sa negros occdental ang gikan sa damlag pa napulo ka mga lgu nga ginprioritize sa amo nga testing.
Ang mga nag negatibo sa amo nga antigen testing nga may yara sang sintoma ukon high risk ang dapat nga mag isolate kag ipaidalom sa RT-PCR test.
Ang mga nag positibo naman ang ginakabig na nga positive cases kag ma deklarar nga hilway na sa Covid-19 kun mapat-od na sa mangin resulta sang ila nga RT-PCR test matapos ang pila ka adlaw nga isolation.