May pagsaka sa kaso sang Covid sa Negros Occidental, pero indi naman ini maka alarma.
Ini suno kay OIC Provincial Health Officer, Dr Girlie Pinongan nga nag siling man nga base sa ila nga datus humalin sang Enero tubtob Abril 24, 505 ang na record Covid cases sang probinsya.Pinaka mataas nga covid cases nga na record sa isa ka adlaw sa 2023, ang nagdangat sa 22 kag ini sa bulan sang Abril.
Siyam naman ang na record covid related deaths kag kalabanan diri mga unvaccinated kag may co-morbidities. Dose naman sa karon ang Covid positive kag na admit sa ospital sa Cadiz. Suno kay Pinongan ini sila ang nakitaan sang mild symptoms. Ang sa mga na-admit naman sa mga ospital nga ginakabig highly suspicious cases, ini sila ang gina rapid antigen test ukon RAT kag ang nag positibo ang gina RT-PCR test.
Samtang, may gina paabot naman nga bakuna para sa booster shot sang yara sa general population ukon 18 anyos pasaka pero wala pa napat-od kun san-o gid ini maga abot. Padayon ang paghaylo sa publiko nga mag pabakuna para mapangapinan ang kaugalinong kontra Covid. Gina haylo man sang PHO ang publiko nga mag gamit sang face mask labi na sa mga may dalagko nga pagtililipon kag enclosed ang lugar.
[sibwp_form id=1]