50 porsyiento sa mga empleyado sang CENECO ang magapabilin nga magaserbisyo sa idalom sang Negros Power.
May 230 ka mga anay empleyado sang CENECO ang na-absorb sa trabaho sa idalom sang Negros Power.
Ang pag-hire sa ila ang nangin kabahin sang pasalig sang kumpanya sa idalom sang joint venture agreement.
Ginsiling ni Roel Castro, kalabanan sa mga empleyado ang nag-reapply.
Kabahin man sa mga ginahandaan sang pamunuan sang Negros Power ang paghatag prayoridad sa mga naga-apply para sa new connections sa nasakpan sang franchise area sang CENECO.
May kapin 30,000 ka mga electric meter equipment nga nahanda ang distribution utility firm sa tion nga magsugod na ang ila operation sa idalom sang bag-o nga prangkisa.