Nagpatial sa init ang may 50 ka mga local artists gikan sa nagkalain-lain nga organisasyon para mahuman ang ginakabig longest mural sa dalan Mabini sakop sang Barangay 22 sa Bacolod.
Kabahin sa mga mag-volunteer si Junie Dela Cruz nga nalipay nga napili siya para matagaan sang duag ang kapin 150m nga pader nga sadto anay puno sang vandalism.
Ang Bacolod Yuhum Foundation upod sa Davies Paints ang nangita sang paagi para mahugpong ang mga local artists sa tuyo nga mas madamo pa ang maganyat magbisita sa Bacolod ilabi na karon nga MassKara Festival 2024.
Kabahin sa mga volunteer ang grupo nga Artisticrew Bacolod, mga estudyante sa kolehiyo kag iban pa nga artists.
Sa October 13 natalana nga matapos ang mural nga magapakita sang maragtas kag kapag-on sang Bacolodnon.