Gina-usisa na sang City Legal Office ang nabaton nga paathag sang mga na-isyuhan sang notice of explanation may kaangtanan sa 45 ka mga nagapabilin missing nga salakyan sang siudad.
Suno kay City Administrator Atty. Pacifico Maghari, III, gin-alegar sang mga lima ka mga na-isyuhan sang notice to explain nga ginkawat ang mga salakyan.
Naghinyo man sila sang dugang nga panahon para ma-locate ang mga salakyan nga gintugyan sa ila sang siudad.
Ang mga gin alegar ginkawat nga mga salakyan ang na-assign sa lima ka mga separado nga departamento sang siudad.
Gina-validate naman sang City Legal Office ang mga nabaton nga sabat sang 40 pa ka mga personnel nga na-isyuhan sang notice to explain sa missing nga mga salakyan.