Pilason ang rider nga si Elmer Albastres pati ang iya duha ka mga backrider sa ginamaneho nga motorsiklo sang makabunggo sila sa tricycle sa intersection sang Pipa sa Barangay E Lopez siudad sang Silay kaina sang aga.
Napilasan ang drayber sang tricycle nga si Nante Serrano pati na ang iya pasahero nga babaye.
Sa pagpang-usisa sang Silay City PNP Traffic section, halin sa Barangay Kapitan ramon ang tricycle kag padulong na sa city proper sang mabungguan sang motorsiklo.
Suno kay police Lieutenant Colonel Mark Darroca, hepe sang Silay City PNP wala sang driver’s license nga napakita ang driver sang tricycle.
Pero sa ila pagpang-usisa madasig ang pagpadalagan sang motorsiklo nga amo ang nagbunggo sa ila.
Lunsay nagapabilin pa ang mga nasamaran sa ospital.