Lima tanan ka mga nag-file sang certificate of candidacy para sa SK elections humalin sang Lunes ang wala ginbaton sang Commission on Elections – Bacolod.
Suno kay Comelec-Bacolod Election Officer Atty.bKathrina Trinio-Caña, kalabanan sa ila mga over-age. Pila sa ila gikan sa Barangay 11, 5 kag 20. May ara man sang maga kandidato nga himata sang incumbent barangay kagawad.
Sandig sa SK Reform Act ginadumilian ang 2nd degree consanguinity para sa mga magapapili sa SK elections.
Liwat man nga nagpahanumdom si Trinio-Caña sa mga magafile sang ila COC para sa SK elections nga dapat indi sila maglapaw sa edad nga 24 anyos ukon nubo sa 18 ayos sa adlaw sang piniliay.
Magapadayon ang filing sang COC sa Robinsons Place Bacolod sa Setyembre 2 gani gilalauman sang pamunuan sang Comelec nga mapaiway ang pagdagsa sang maga-file sa deadline.
Sa karon nagalab-ot na sa masobra 800 ang nakafile sang ila COC para sa Barangay kag SK elections.