Indi anay pag ipatuman sang probinsya ang 5-day work week.
Ini natungod nga yara pa man sa gihapon sa alert level 2 ang Negros Occidental suno kay Provincial Administrator Rayfrando Diaz.
Damlag pa ginsiling ni Governor Eugenio Jose Lacson nga tuyo na ibalik ang 5-day work week sumugod Marso 1.
Suno kay Diaz, hulaton anay ang bag-o nga alert level sa Marso 16, kun mapaidalom sa alert level 1 ang Negros Occidental. Bisan pa nga ang Kapitolyo Probnsyal yara sa Bacolod City nga napaidalom sa alert level 1.
Luyag sang probinsya nga mangin uniform ukon palarehas na lamang para sa bilog nga probinsya.
Bisan pa nga 4-day work week, padayon sa gihapon ang pagdul-ong sang naga kaigo nga serbisyo sa mga pumuluyo.