5.5 magnitude nga linog ang nag-igo sa banwa sang Candoni pasado las 3 kaina sang kaagahon.
Landslide gin-report naman nagluntad sa kaiping nga lugar sa Sipalay City.
Wala sang may gin-report nga kahalitan sa banwa sang Candoni.
Intensity IV ang gin-report nabatyagan nga pag tay-og sa banwa sang Candoni.
Intensity III man ang nabatyagan sa iban nga bahin sang probinsya kaangay sa Bago, La Carlota kag Sipalay City.
Intensity 1 sa Bacolod City, Escalante City kag Hinigaran base sa report sang Provincial Disaster Risk Reduction Management Office.
Suno kay Candoni Mayor Ray Ruiz, nag patigayon sang inspection sa mga structures sa banwa lakip na ang mga eskwelahan nga maga serbe nga evacuation center enkaso nga may kinahanglan iga evacuate sa pag igo sang bagyo Tino.
Dugang pa niya wala man sang high rise building sa banwa.
“Wala man di mga high-rise building. Ongoing ang inspection ni engineer subong kag amo na ga preparar man sa bagyo man. (ang mga school buildings nga maga serve as evac center safe following the linog?) huo. Wala problema kay ang tanan nga mga barangay may ara man sila evacuation center nga ila gid”, suno kay Ruiz.
Suno kay Candoni DRRM Officer Eric John Monserate may mga minor cracks nga nakit-an sa Caningay National High School pero indi mapat-od kun ini mga bag-o nga crack.
Samtang ginsiling namani Sipalay DRRM coordinator Dionilo Bogtae nga mahimo tuga na sang pag-ulan kasubong man sang pag linog ang landslide nga nagluntad sakop sang Camp Valdez sa Mambaroto sa Sipalay City.
Damlag pa gin report na ang progressing landslide sa area rason nga maid-id ini nga gina monitor. Suno kay Bogtae may mga kahoy nga nadala kag nagkalahulog. Tigayon naman nga na clear ang area.