Antes pa man nag sugod ang bag-o nga administrasyon may masobra na sa 12,000 ang nakakas sang Department of Social Welfare and Development sa listahan sini sang benepisyaryo sang 4Ps sa Western Visayas.
Sa datus sang DSWD Region 6, as of June 22, sa Negros Occidental, ilakip na ang Bacolod City, 4,515 na ang na delist ukon ang nakakas sa listahan.
Sa bilog naman nga Region 6, 12,949 ang nadelist suno kay May Rago-Castillo, ang spokesperson sang DSWD Region 6.
Paathag ni Rago-Castillo ang pagkakas sa listahan ang kabahin na sang sistema nila bahin sa monitoring sang mga 4Ps beneficiaries.
Una nga basehan amo nga kun wala na ini sila sang kabataan nga below 18 years old kag kun nalab-ot na nila ang level of self sufficiency – ina ayhan naka kita na sila sang trabaho ukon may estable nga income na, gina kakas na sila sa listahan.
Suno kay Rago-Castilllo, maidid nga gina patuman ang cleansing sang listahan karon angut man sa mandato ni DSWD Sec. Erwin Tulfo. Gani maga saka pa ang damlag kadamuon sang 4Ps beneficiaries nga na kakas sa listahan suno sa iya.
“Possible nga madugang because nga ongoing pa ang cleansing sang 4Ps. Ang figure is only as of this June, ang 12,949 with the current mandate sang DSWD Sec Erwin Tulfo. Sige-sige pa”, suno kay Rago-Castillo.