Kaso sang firecracker related injuries sa Western Visayas ang nagdangat na sa 43.
4.88 percent nga mas mataas ini kun ipaangid sa kasubong nga tion sang 2022 nga nag record sang 41 cases.
May siyam ka mga bag-o nga kaso ang na report sang December 28 tubtob 29 nga datus.
Wala sa bag-o nga mga kaso mga blast ukon burn injuries nga wala sang amputation.
Isa naman ang eye injury.
Tatlo naman sa sini nga mga kaso, boga ang gingamit nga palupok, tatlo ang gikan sa triangulo, duha ang camara kag isa ang 5 star.
Padayon ang paghaylo sang Department of Health sa publiko nga likawan na ang mag gamit sang palupok para sa pagsaulog sang New Year.
Mas maayo nga mag gamit na lamang sang mga alternatibo kasubong sang pag patik sa mga kaldero ukon mag patukar sang mga matunog nga sounds.