Personal kaina nga ginbuksan kag gin announce ni Mayor Albee Benitez ang negatibo nga resulta sang surprise drug test nga ginpatuman sa 43 ka mga police officers sa Bacolod.
Gani wala man sang may imuno sa flagpole si Police Colonel Noel Aliño, OIC sang BCPO nga nanguna sa drug test.
Suno kay Aliño madasun nga ipatuman ang drug test sa mga kapulisan sa siudad.
Gani indi man siya magduha-duha nga kakasan sang badge kag armas pati na ang mapasakaan sang kaso administratibo ang pulis nga matalupangdan magpositibo sa drug test.
Ginpabugal man kaina sang bag-o nga pamuno sang BCPO ang P1.2M nga balor sang na recover nga shabu kag pagkatikma sang pito ka most wanted person sa anum ka adlaw niya sa serbisyo.
Nagpasalig man siya nga matagaan kalubaran ang mga kaso sang mga pagwigit sang utod nga parte sang lawas sang tawo kag ang pagpabaskog sang kampanya kontra illegal gambling ilabi na ang batuk sa e-sabong.