Nag anunsyo na ang mga petroleum companies sang final nga inug rollback sa bili sang produkto petrolyo sa bwas nga adlaw. Base sa announcements, kwarenta sentimos ang inubo sa kada litro sang gasolina, P1.50 sa diesel kag P1.30 sa kerosene.
Ini kasunod sang announcement sang OPEC plus nga may dugang nga produksyon sang langis sa bulan sang Setyembre kag ang wala kasiguraduhan sa gihapon nga isyu sang ipatuman nga buwis.
Base sa data sang Department of Energy, apat ka semana nga sunod sunod ang saka sa bili sang diesel naga suma total na sa P4.30 kada litro ang saka kag subong pa lang ini maga rollback.