40 ka mga indibwal nadakpan sang katapo sang anti-smoking task force sa Bacolod.
Humalin sang ginsuguran sang Bacolod Anti-Smoking Task Force ang operation, may 40 na tanan ang na-isyuhan sang citation ticket tuga sang pagsupak sang ordinansa.
Lima sa ila ang nagbayad sang tig P500 nga multa.
Iban sa ila nagpaidalom sa community service sa Bacolod Traffic authority Office kag
City Health Office.
Suno kay Jonald Pamposa, action officer sang task force, nangin dako nga bulig sa ila ang mga netizen nga amo ang nagahatag sang impormasyon kag mga litrato sang mga violators.
Nalakip na diri ang mga lugar nga masami madamo ang nagapanigarilyo kag sa indi designated area for smoking.
Nagpasalig man siya nga mas pabaskugon nila ang pagbantay sa palibot sang Bacolod Public Plaza ilabi na sa gwa sang mga eskwelahan karon nga bulan sang paskwa.
Ini agud estrikto man nga bantayan ang mga baligyaan nga naga-baligya sang sigarilyo sa mga menor de edad.