Apat ka persona ang pilason sa nag luntad nga multiple collision kahapon sa Hda Teresita Abada Road sa Barangay Granada nalakip diri angLl300 sang Department of Social Services and Development sang Bacolod.
Sa imbestigasyon sang PNP, naguba ang kadena sa tricycle nga ginadala ni Glenn Barrios gani naglapaw ini sa pihak nga lane kun sa diin naga sugata ang isa pa ka tricycle nga Rusi kag ang L300.
Suno kay Police Staff Sargeant Winston Sun, traffic investigator, una nga nag bunggo ang tricycle ni barrios sa Rusi tricycle nga gina maneho ni Freddie Nitunay.
Matapos mag bunggo, nag baliskad ang tricycle ni Barrios tubtob nga mag bunggo naman sa naga sugata sa gihapon nga L300 sang DSSD. Nag agum sang seryoso nga samad si Barrios kag pilason man ang iya pasahero.
Pilason man si Nitunay pati iya nga misis nga sakay sa Rusi tricycle. Padayon sila nga gina bulong sa ospital.