Patay ang tatlo ka miyembro sang isa ka pamilya kag isa ka pedicab driver samtang isa naman ang pilason matapos gin bunggo-an sang tanker ang canter pasado las nuebe sang aga sang Sabado sa North Poblacion, Bacong, Negros Oriental.
Bangud madasig ang dalagan, gin pang dusdos man sang tanker ang isa pa gid ka multicab pila pa ka mga motor kag balay.
Sa inisyal nga imbestigasyon sang kapulisan, gin kilala ang driver sang tanker nga si Albert de Baguio, 33 anyos, residente sang Brgy. Cabang, Jimalalud, Negros Oriental.
Samtang ang apat ka napatay amo sanday Analie Pascual, 47-anyos, iya mister nga si Ruel Pascual, 43-anyos, kag ang ila menor de edad nga anak nga sakay sa multicab.
Patay man ang 59 anyos nga si Meliton Blanco nga sakay sa motor.
Ang pilason ginkilala kay Wilson Kial, 43-anyos nga naga dala man sang motor.
Suno sa mga naka saksi, tuman kadasig ang pag padalagan sang nasambit nga driver.
Suno sa driver, nagasunod siya sa motor nga hana kun tani magpundo, gani naglikaw siya apang gin-alegar niya nga naglupok ang goma sa panguna sang ginadala nga tanker.
Dugang pa niya, bisan ano niya ka tapak sang preno indi na siya maka pondo.
Gin-ako sang driver nga yara sa 50 tubtob 60 km/h ang kadasigon sang iya dalagan.
Padayon pa ang imbestigasyon sang otoridad.