Temporaryo karon nga nagatiner sa Multi-Purpose Hall sang Barangay 2-Poblacion sa La Carlota City ang apat ka mga pamilya nga ginalakipan sang 16 ka mga indibidwal matapos masunogan sang balay, Miyerkules sang hapon.
Ginlamon sang kalayo ang duha ka mga balay sa Zone 5, Sitio Carolina sa Barangay 2-Poblacion, pasado las kwatro y medya sang hapon.
Naglawig sang masobra 15 minutos ang sunog nga tigayon na fire out las 4:56 sang hapon.
Isa ka 63-anyos nga senior citizen ang gin-report nga nabudlayan sa pag-ginhawa.
Suno kay Fire Officer 3 Catherine Valdez, chief investigator sang La Carlota City Fire Station, under investigation pa ang gintunaan sang sunog, apang sa inisyal nga datos, sa kuryente naghalin ang kalayo.
Samtang, ginhatagan na sang relief assistance ang mga fire survivors nga nalakipan sang lima ka mga kabataan, senior citizen, lactating mother kag isa ka babaye nga PWD.