Padayon ang pagsaka sang dengue cases.
Apat ka mga banwa kag siudad sa sur sang probinsya ang naga panguna sa kadamuon sang dengue cases.
Masobra sa 94 percent nga mas mataas ang dengue cases humalin Enero tubtob August 10 kun ipaanggid sa kasubong nga tion sang 2023 base sa record sang Provincial Health Office.
1,777 ang total dengue cases karon kag anum ang reported dengue deaths.
Nagapanguna ang siudad sang Sipalay nga may 185 dengue cases humalin sang bulan sang Enero tubtob August 10. May isa sila ka reported dengue related death.
Nagasunod naman ang Hinoba-an nga may 173 dengue cases.
Ikatlo ang Kabankalan nga may 131 ka dengue cases kag Cauayan nga may 117 dengue cases.
Suno kay Dr Girlie Pinongan ang Provincial Health Officer halos puno ang mga ospital sa karon rason nga sila ang maga sapol sa mga health workers nga kun sa ila man lang nga level matatapan na man lang himuon na ini agudto indi na ma puno ang ospital.
Indi man tanan nga dengue cases kinahanglan nga ma ospital suno kay Pinongan.
Wala man untat ang PHO sa pag pahanumdom sa publiko nga mag mangin matinlo sa palibot.