Digicast Negros

4 ka mga LGU sa Negros Occidental ginpaidalom sa ‘red category’ para sa pinili-ay

Mahimo nga wala na sang may maga dugang pa sa 18 ka mga ginakabig areas of concern sa Negros Occidental sa gina paabot nga piniliay.

Suno kay Brigadier General Inocencio Pasaporte, ang pamuno sang 303rd Infrantry Brigade sang Philippine Army, sa pag sugod sang lokal nga kampanya mahimo nga maga lain pa ang sitwasyon pero sa karon nagapabilin ini sa 18.

Apat ka mga lugar ang gin-paidalom sa red category kag ini ang nagalakip sang banwa sang Calatrava, Moises Padilla, Candoni kag siudad sang Escalante.

Pila sa mga nagkalain lain nga ginbasehan para sa red category amo ang kombinasyon sang indi magnubo sa duha ka mga rason: ang serious armed threat sang npa sa lugar, posibilidad sang pag gamit ukon pag reorganize sang private armed groups kag na-record nga violent election related incident.

Orange category naman ang 13 ka mga banwa kag siudad bangud sang serious armed threat sang NPA. Yara sa orange category ang Silay City, Victorias City, Himamaylan City, Kabankalan City, Sipalay City, Binalbagan, Manapla, Cauayan, Hinoba-an, Ilog, Isabela, La Castellana kag Toboso.

Yellow Category naman ang Don Salvador Benedicto bangud sng posible pag gamit ukon pag reorganize sang private armed group. Samtang, may na monitor naman ang army nga extortion sa mga barangay pero mga scammer ang yara sa likod sini.

Suno kay Pasaporte gingamit sang grupo nga responsable ang ngalan sang NPA.

Exit mobile version
Skip to toolbar