Sumugod sini ng Biyernes, Mayo 15, bukas na ang tanan nga talatapan sang gobyerno sa Bacolod City Government Center.
Ini bangud mabalik na sa regular five day work week ang tanan nga opisina sang gobyerno sa Bacolod City.
Ginsiling ni Mayor Greg Gasataya, sarang na mabalik ang operasyon sang mga talatapan sang siudad bangud naga-amat amat naman balik sa normal ang presyo sang gatong.
Dugang sini, kinahanglan na nga magbalik sa normal nga operasyon ang siudad agud madasig na nga matatap ang tanan nga mga concerns kag transakyon sang publiko.
Balik na sa las 8 sang aga ang sugod sang obra sa BCGC tubtob alas 5 sang hapon humalin Lunes asta Biyernes.
Samtang, nagbalik man sa regular work days ang mga LGU sang Bago City, Silay City, kag banwa sang Toboso sini nga semana.
Sandig sa mandu sang mga alkalde, balik na sa 8 am to 5 pm kada Lunes tubtob Biyernes ang trabaho sa gobyerno sa ila tagsa ka siudad kag banwa.
Apesar sa pagbalik sang lima ka adlaw nga trabaho, magapadayon man sa gihapon ang pagkinot sang mga LGU sa enerhiya, sandig sa energy conservation nga mando sang DILG.*
[sibwp_form id=1]