Ang Comelec-Bacolod ang nagpadala na sang notices sa mga headquarters sang apat ka mga national candidates nga tubtob karon may mga billboards pa nga na-display sa dalan Lacson.
Suno kay acting Comelec-Bacolod officer Atty. Revo Sorbito, wala na sila nagapaabot pa sang sabat halin sa mga kandidato. Pero kun indi makuha ang mga ginakabig oversized campaign materials, sila na mismo ang magakakas bisan yara pa ini sa mga private property ukon nakatapik sa mga commercial establishment.
Sa Byernes liwat maga-libot ang katapo sang Task Force Baklas agud mangkakas sang mga illegaly posted campaign materials,nalakip diri oversized kag wala nabutang sa designated common poster areas.
May masobra man sa isa ka gatus nga campaign materials ang napangkakas sang katapo sang Comelec kaupod sa DPWH kag Bacolod City PNP sang nagligad nga semana.