Apat ang ginpasakaan sang kaso sang National Bureau of Investigation angut sa iligal nga pataya sang Small Town Lottery sa Kabankalan City.
Duha ka mga punong barangay ang gin-subpoena man.
Kasunod sang impormasyon nga nabaton sang NBI sila ang nagpatigayon sang entrapment operation sang Pebrero 15, kun sa diin apat ang ila nga nadakup kag na pasakaan sang kaso via inquest proceedings.
Nalakip sa apat ang isa ka nagataya. Suno kay NBI Bacolod Chief, Renoir Baldovino ang illegal STL operation napatigayon sa tatlo ka mga barangay.
Duha ka mga punong barangay angut diri ang ila nga gin subpoena kag sila natalana nga magpadulong sa NBI sa Miyerkules kag Hwebes.
Suno kay Baldovino base sa affidavit sang duha sa ginpasakaan sang kaso gina remit nila ang ma kolekta sa kay alyas maam kag Jay-R.
Dugang pa ni Baldovino ang duha ka mga punong barangay amo ang nag tugot sang pagpataya sa ila nga mga lugar.
May tion pa nga sila ang nagsapol sa mga naga pataya mismo sa barangay hall.
Padayon ang imbestigayon kag dugang pa ni Baldovino nga isa ka anay opisyal ang yara sa likod sang amo nga operation.
Ginaklaro sang NBI nga ang super Lucky Beagler, Inc., lamang ang may authority sa Bacolod kag bilog nga probinsya nga mag operate sang STL.