38,000 metric tons nga supply sang nag abot nga imported sugar iga-classify nga reserve supply.
Ginpasiguro naman sang opisyal sang Sugar Regulatory Board nga indi magbaha ang supply sang imported sugar sa merkado.
Sa 440,000 metric tons sang imported sugar nga kabahin sang Sugar Order no. 6, may 38,000 metric tons pa lang ang naka abot.
Suno kay Paul Azcona, farmers representative sang Sugar Regulatory Administration, iga- classify bilang reserve sugar ang 38,000 metric tons nga supply sang kalamay kag gamiton lamang ini kun kinahanglan para mapanubo ang presyo sang kalamay sa local market.
Ginpasiguro man ni Azcona nga tinguhaan nila nga indi pagbahaon sang imported sugar ang merkado.
Antes pa man na-gwa ang Sugar Order no. 6 sang nagligad nga Pebrero may nag inabot na mga supply sang ginkabig smuggled sugar nga ginka alarma sang katapo sang sugar industry.
Suno kay Azcona may mga nakumpiskar na nga supply sang smuggled sugar kag natigayon na nga napasakaan sang kaso ang mga imbolbado.