Digicast Negros

32 ka isolation rooms ginturn over sang DPWH sa siudad sang Bacolod

32 ka dugang nga mga isolation quarantine facilities ang ginturn over sang Department of Public Works and Highways sa siudad sang Bacolod.

Duha ka units nga mga isolation kag quarantine facilties ang gintukod sang DPWH sa Barangay Alijis sa Bacolod sa compound sang City Agriculture Office.

Ang kada unit may yara sang desi sais ka mga kwarto. Ang kada kwarto may kaugalingon nga katre, banyo, aircon kag hot and cold shower.

Suno sa kay DPWH Region 6 Director Leah Delfinado, ini ang ginhingyo sang siudad kag DPWH Secretary Mark Villar sadtong Uktobre sa pag turn over man sang naha una nga duha ka mga units sang siolation facilties.

Tuyo sang siudad nga diri ibutang ang mga COVID patient nga na ospital pero nag ayo na kag kinahanglan nga ma isolate sa gihapon, mga naga busong nga covid positive kag ang mga COVID patient nga may simtomas sang COVID-19.

Suno kay Mayor Evelio Leonardia, bisan nag nubo na ang kaso sang COVID-19 sa Bacolod kinahanglanon ini sa gihapon ilabi na karon nga may gulpi na naman nga pagsaka sa kaso sang COVID-19 sa Metro Manila kag sa Cebu.

Exit mobile version
Skip to toolbar