31 ka mga pribado nga eskwelahan sa probinsya sang Negros Occidental lakip na Bacolod City ang nagsira.
Sa datus nga gin pa gwa sang DepEd Western Visayas, 19 sa 31 ka mga buluthuan ang may temporary closure kag dose naman ang may permanent closure.
Suno kay Hernani Escullar, ang spokesperson sang DepEd Western Visayas, mismo ang tagdumalahan sang eskwelahan ang naga pahibalo sa DepEd kun temporary ukon permanent ang pag untat nila sang ila nga operation.
Dugang pa ni Escullar, pila sa sini nga mga eskwelahan, school year 2021 to 2022 nagsira na.
Manubo nga enrollees kag financial constraints ang pila sa mga kabangdanan sa pagsira sang sini nga mga eskwelahan suno sa DepEd.
Sa bilog nga rehiyon, 76 ka mga pribado nga buluthuan ang nagsira, 17 ang may permanent closure.
Suno kay Escullar ang mga apektador nga learners ang ginhatagan naman sang assistance sang natungdan nga mga DepEd Division Offices.
Sa pihak nga bahin, as of Aug 23, 2,233,946 ang kabilugan nga nag enroll sa rehiyon base sa datus sang DepEd. Mas mataas sang sa 2021-2022 nga enrollment nga 2,104,060.
[sibwp_form id=1]