Ginsiling ni Atty. Vanessa Encabo, spokesperson sang City Legal Office, nga illegal ang pagpatindog sang mga baligyaan sa amo nga lugar bangud expired na ang ila special permit.
Nagpabutyag naman ang mga vendors sang ila hingyo nga kon mahatagan sila sang extension, apang siling ni Encabo, kinahanglan nila nga magkuha liwat sang special permit sa Sangguniang Panlungsod.
Suno kay Councilor Celia Flor, kinahanglan nga magpangita ang barangay sang legal nga lugar nga himuon bilang merkado bangud ang ila ginatindugan subong ginakabig sang siudad nga right of way.
Magabalik ang mga katapo sang CLO sa lugar sa Marso 10 agud siguradohon nga wala na ang mga baligyaan. Kon wala pa sila makahalin, ang CLO na mismo ang maga demolish sa ila.
Disyembre tuig 2023 pa nagatindog ang amo nga mga baligyaan sa dalan nga naga angut sang Barangay Alijis kag Taculing.*
[sibwp_form id=1]