Ipabuligon ang mga TUPAD workers sa paglimpyo sang mga drainage system, creeks kag kasubaan sumugod Biyernes nga adlaw.
Ini ang ginpahayag ni Bacolod Congressman Albee Benitez. Suno kay Benitez, yara ang suporta sang 15 ka nag kalain-lain nga ahensya sa nasambit nga inisyatibo, kag magapanguna diri ang Department of Public Works and Highways (DPWH) sa pagdumala sang mga clearing kag dredging operations.
Sa bahin sang kagamitan, gin paathag man ni DPWH Undersecretary Charles Calima, nga sa target nga 200 ka heavy equipment nga kinahanglan para sa operasyon pero yara pa lamang subong sa 35 ka units ang available.
Ini nagalakip sang 18 ka units nga gin-provide sang pribado nga sector, 7 ka units halin sa DPWH kag 10 ka units halin sa LGU-Bacolod.
Ginkumpirmar niya nga kulang pa sang 165 ka units sang heavy equipment para makumpleto ang kinahanglanon sa full-scale nga operasyon, rason nga padayon ang koordinasyon sa nagkalain-lain nga stakeholders.
Dugang pa ni Benitez, ang mga River Warriors nga sakop sang DOLE-TUPAD Program ang magaobra sa sulod sang 10 ka adlaw.*