Mga migrant workers gikan sa Antique ang amat-amat na nga naga abot sa probinsya.
Suno kay Provincial Administrator Rayfrando Diaz, may mga 3,000 ka mga migrant workers ukon mga sacada nga maga trabaho sa mga tubuhan, karon nga nag sugod na ang harvest season ang gina paabot.
Plastado suno kay Diaz ang team sang Provincial Health Office sa pag pasiguro nga ang mga requirements angut sa gina patuman nga protocol ang ma comply.
Lakip na diri ang vaccination cards sa tagsa ka mga migrant worker nga maga sulod sa Negros Occidental.
Gina pasiguro man suno kay Diaz nga sila ang nakabaton sang booster shot. Sila ang gina sugat sang salakyan sang ila nga mga employer sa puerto kag gina dala derecho sa ila nga mga quartel kun sa diin sila ang maga tenir sang pila ka adlaw kag kun wala man lang sang may gina batyag ukon nakitaan sang sintoma sarang na gilayon nga mag trabaho.
Wala na sang RT-PCR ukon Rapid Antigen Test nga gina patuman. Kun may delay man suno kay Diaz, ini bangud gina pasiguro nga eksakto ang ila nga mga dokumento.