May yara pa sang 282 ka mga tricycle drivers sa siudad sang Bacolod ang wala pa makakuha sang ila ayuda, apesar nga nagtakop na ang schedule sang payout sang Biyernes, Abril 10.
Ginsiling ni Richelle Verdeprado-Mangga, pamuno sang Bacolod City Department of Social Services and Development, nagpakig-angut na sila sa mga natungdan apang wala sila sa gihapon makakadto sa mga venue nga ginpatigayonan sang payout.
Kadam-an sang mga rason nga wala sila makakadto, amo ang ila nga medical conditions.
Nagahulat pa ang siudad sang bag-o nga schedule gikan sa DSWD kon san-o ang special payout para tigayon na nga makakuha sang ayuda ang mga natungdan.
Ginsiling ni Arwin Razo, pamuno sang Department of Social Welfare and Development Negros Island Region nga may masobra pa sa isa ka libo nga mga tricycle drivers ang wala pa maka-claim sang ila nga ayuda sa bug-os nga rehiyon lakip na diri ang 300 ka mga drayber sa Bacolod.
Dugang pa niya, kinahanglan nga i-release ang kabilugan nga pundo gikan sa gobyerno nasyonal.
Kon mapaslawan pagid ang mga drayber nga magkadto sa special payout schedule, ihatag nalang ini sa mga yara sa waiting list.*
[sibwp_form id=1]