3 patay, lakip na ang isa ka manunudlo, sa pagbungguanay sang duha ka mga motorsiklo sa Siaton, Negros Oriental.
Nagresulta sa pagka-utas sang kabuhi sang duha ka mga riders kag isa ka backrider ang pagbungguanay sang duha ka mga motorsiklo sa banwa sang Siaton, Negros Oriental.
Nagluntad ang insidente pasado las 7 kagab-i, Agosto 24, malapit sa DPWH 3rd Engineering District sa Barangay Malabuhan, Siaton.
Base sa imbestigasyon sang kapulisan, nagasugat-anay ang duha ka mga motorsiklo.
Ang isa ka motorsiklo nga may angkas ang nag-overtake sa isa ka salakyan apang nakabunggo sa nagapadulong nga motorsiklo nga ginamaneho sang isa ka manunudlo.
Naglabog ang mga sakay sang tagsa ka motorsiklo kag sila ang nakaangkon sang mga pilas.
Gindala sang mga rescuers ang mga biktima sa ospital apang gindeklarar nga dead on arrival