Ginbawian sang kabuhi ang tatlo ka tuig nga bata nga babaye sa nagluntad nga bungguanay sa ginsang-an sang Rizal Highway kag Bangga Bulangan Road sa Barangay 5 sa Silay City, Lunes sang hapon.
Nagwa sa imbestigasyon nga nga padulong norte ang bus sang nasaga-id sini ang taxi nga naga U-turn. Nalab-ot man ang e-bike nga nagapondo sa inner portion sang southbound lane kag hana nga magliko pawala.
Isa ka Ceres bus, isa ka taxi, kag electric bike ang nagbulungguanay.
Bangud sang impact, nahulog ang 33-anyos nga driver sang e-bike pati na ang duha sini ka mga menor de edad nga pasahero, naga-edad 4 kag 3 ka tuig.
Gindala ang tatlo sa ospital apang napatay ang 3 ka tuig nga bata.
“Initial naton nga information na-receive kahapon didto sa investigator, may initial nga settlement nga natabo between sa family satong 3 years old, atong sa tiyo kag injured nga 4 years old. Ang istoryahanay didto is may initial settlement sa family kag sa kompanya sang bus”, suno kay Police Capt. Judesses Catalogo, NOCPPO spokesperson.*
[sibwp_form id=1]