Nalakip sa gin aresto ang tag-iya sang printing press kag tatlo ka persona sa Barangay 24 sa Bacolod kun sa diin gina alegar gina ubra ang mga peke nga vaccination cards.
Suno kay Major Ramel Sarona, ila naarestoang tag iya sang printing press nga si Lorisa Funelas kag magasawa nga Maribeth kag Ivan Joros nga suno sa iya naga transact sa mga customers nga naga paubra sang peke nga vaxx card.
Duha ka semana na ang nagligad suno kay Sarona sang sila ang nakabaton sang impormasyon angut sa pag ubra sang peke nga vaccination card sa sini nga printing press.
Kag matapos ma kumpirma sang Regional Intelligence Unit pati na sang Emergency Operations Center sang Bacolod, ila gin patigayon kahapon ang operation.
Kaso nga paglapas sa RA 11332 kag falsification of public documents amo ang ipasaka sang PNP batuk sa mga naaresto.