Tatlo ka mga lapsag ang ginbun-ag sa sulod sang ambulansya sang siudad sang Bacolod kahapon sa sulod lamang sang isa ka adlaw.
Pinaagi sa bulig sang mga medical responders sang City Disaster Risk Reduction and Management Office, duha ka mga babaye nga lapsag kag isa ka lalaki ang ginbun-ag sang ila tagsa ka mga iloy sa ambulansya samtang nagapakadto ini sa lying-in kag birthing home center sang siudad.
Ang una nga lapsag ang ginbun-ag sang iya 22 anyos nga iloy nga taga Barangay Granada mga las singko sang aga.
Ang ikaduha nga lapsag ang ginbun-ag naman sang 27 anyos niya nga iloy mga las siete sang aga. Sila ang gikan sa Barangay Estefania.
Las nuebe sang aga naman ginbun-ag ang ikatatlo nga lapsag sang 22 anyos nga iloy nga taga Barangay Mandalagan.
Ang mga lapsag ang lunsay healthy kag gilayon nga nahatagan sang pagtatap sa medical personnel.