Ginsiling ni Levy Pangue, pamuno sang enforcement team, makapila na ka beses nga ginpanaogan sang notice ang amo nga mga baligyaan, pero wala sila sa gihapon nagsunod.
Ginhatagan man ang mga vendors sang 10-day voluntary demolition, apang suno kay Pangue, wala sa gihapon gin-guba sang mga tag-iya ang naga nagabalabag nga porsyon sang ila baligyaan sa kilid sang dalan.
Wala man may na report nga resistance sa ginpatigayon nga demolition.
Ang clearing operations ang sandig sa Memorandum Circular 2019-121 nga ginpagwa sang Department of Interior and Local Government nga nagamando sa tanan nga local government units nga sigurohon nga wala sang illegal structures ang natukod sa mga sidewalks.
Ginklaro ni Pangue nga wala sang may ihatag nga cash assistance ang siudad sa mga ginademolish nga mga istruktura sa kilid sang dalan, magluwas na lamang kun mga residential areas ang iga-demolish.
Nagapanawagan sa karon si Pangue sa mga barangay officials, nga kon matapos na ang clearing sang siudad ila man responsibilidad nga bantayan kag i-maintain nga hilway para sa publiko ang sidewalks.*
[sibwp_form id=1]