Wala sang tuyo ang Negros Occidental nga mag close sang borders sini sa tunga sang kumpirmado nga sub-variant cases sang omicron sa Iloilo City.
Suno kay Governor Eugenio Jose Lacson luyag nga panilagan anay sang probinsya ang sitwasyon kag suno sa iya indi man lamang diri sa Western Visayas na detect ang amo mga sub variant sang Omicron.
Ang pag pangita sang mga rekisitos gani sa pag abot sa mga airport kag seaport suno kay Lacson ang naghalog na kag masulhay ang pagbiyahe. Manubo man ang hospital admission subong sa probinsya.
Importante nga mapangapinan sang tagsa-tagsa ang ikaayong lawas kag padayon nga seryosohon ang pagpamatuk sa covid-19. Karon nga natapos na ang kampanya kag piniliay suno kay Lacson wala na sang rason nga mag tililipon.
Sa report sang DOH, duha sa tatlo ka mga kumpirmado nga omicron sub variant ba.2.12.1 sa Western Visayas ang naka recover na. Ang isa nagapabilin sa ospital sa Iloilo City.