Dugang nga tatlo ka adlaw nga special leave privileges para sa Capitol Employees ang aprobado.
Ini kasunod sang pag approve sang Civil Service Commission sang Collective Negotiation Agreement sa tunga sang Progressive Alliance of Capitol Employees kag probinsya sang Negros Occidental.
Nalakip sa amo nga CNA ang pag hatag sang probinsya sang dugang nga tatlo ka adlaw nga Special Leave Privileges sa tatlo na nga daan ka adlaw man nga SLP.
Sa memorandumnga ginpapanaog ni Goveror Eugenio Jose Lacson para sa mga empleyado sang Kapitolyo Probinsyal naka saad ang pag grant sang dugang nga tatlo ka adlaw nga SLP nga sarang ma enjoy sang mga empleyado sumugod January 23, 2024 tubtob January 22, 2027.
Ang SLP pwede magamit sang mga empleyado sa aksidente, birthday, business transaction sa iban nga mga ahensya, enrolment, graduation, hospitalization, mourning ukon bereavement, relocation ukon pagsaylo sa puluy-an, kasal ukon wedding anniversary.
Ang maga avail dapat nga mag file advance sang application for Leave kag aprobado sang Head of Office antes pa man iga-avail, pwede man ang filing sa pagbalik sa duty kun ini ang applicable sa sitwasyon.