Mawar isa na naman liwat ka super typhoon pero 3-day Bacolod Chicken Inasal Festival madayon sa weekend.
Isa ka send-off ceremony ang ginpatigayon sa Bacolod City Police Office para sa 600 ka mga security personnel, nalakip diri mgakapulisan, katapo sang Philippine Coast Guard, Bureau of Fire Protection, Bacolod Traffic Authority Office kag DRRMO ngamagabulig sa pagpasiguro sang peace and order para sa Bacolod Chicken Inasal Festival sa Mayo 26-28.
Suno kay Jason Villarosa, pamuno sang Committee on Tourism sang konseho, kabahin lamangini sang mga pagpanghanda para sa 3-day festival bisan pa ginapaabot ang pagsulod sang super typhoon.
Plastado naman ang mga canopy kag stage nga gamiton sa The Upper East, North Capitol Road kag Manokan Country nga kabahin sa mga festival site.
Sandig sa PAGASA, ang bagyo nga may international name nga Mawar ang yara sa 2,065km East of Southeastern Luzon.
Kaina liwat ini nga gin-categorize bilang isa ka super typhoon bangudnagbaskog na naman.
Pagatawgon ini nga Bagyo Betty kunmakasulod na sa Philippine Area of Responsibility sa Biyernes sang gab-i ukon Sabado sang aga.
Ginsiling ni DRRM Officer Dr. Anna Maria Laarni Pornan nga bisan yara sa low-risk area ang Bacolod ginahanda na sang mga kabarangayan ang mga rescue vehicle, evacuation center kag relief assistance para sa posible maapektuhansang super typhoon.