Positibo sa bacteria nga naga tuga sang diarrheal diseases ang resulta sang test sa ika duha nga batch sang water sample nga ginpadala sang PHO sa RITM.
Ini suno kay Dr Ernell Tumimbang nga nag siling man nga sa ika duha nga batch sang water sample wala sang may nag positibo para sa cholera.
Nagdangat na sa dose ang cholera cases sa Negros Occidental kun sa diin duha ang napatay gikan sa Silay City kag EB Magalona. Ang mga lugar nga apektado yara sa third district tanan nga naga lakip sang Silay City nga may 5 cases, Talisay City – 2 cases, Victorias – 1 case, EB Magalona – 4 cases.
Humalin sang 2019 wala na kuntani sang may na report nga cholera cases sa probinsya tubtob na lamang sa karon.
Ginapatigayon ang weekly surveillance sa mga hospital sang possible cholera cases. Pila sa gin recommend sang PHO amo ang reactivation/activation/creation sang local drinking water quality monitoring committee, pag patuman sang health education, pag mobilize sang barangay health workers labi na sa pag monitor kag report sang mga possible cholera cases.
Gina recommend man sang PHO ang pag lubong ukon cremation sang nagtaliwan bangud sang gina suspetsuhan ukon kumpirmado nga kaso sang cholera sa sulod sang dose oras sanding sa DOH Administrative Order.
[sibwp_form id=1]