May 26,000 ka mga kasapatan lakip na mga hinuptanan ang gin report nagmalasakit bangud sang paglupok sang bulkan.
Sa report sang Office of the Provincial Veterinarian as of December 12, poultry ukon mga manok ang pinaka madamo sa record nga nag malasakit – 22,250. 1,062 naman ka mga carabao, kag 1,246 ka mga baboy ang nag malasakit.
May nag malasakit man nga baka – 183, kanding 603, pato – 320. May mga hinuptanan man nga mga ido kag kuring nga nag malasakit – 342. Suno kay Dr Placeda Lemana, ini sila ang nakitaan sang respiratory kag digestive diseases. Ang iban nag angkon sang pilas sa panit ukon may mga rashes.
May yara man sang foot rot ukon pag hubag sa tiil ukon pag ka pi-ang. Ang iban sa sining kasapatan suno kay Lemana ang naga ubo, sip-on, lupot kag hapo kag ang iban naka recover na. Samtang, may tatlo naman ka mga inugbulang nga manok ang gin-report nagkalamatay sa Brgy Ilijan sa Bago City.
P12,000 pesos ang balor sang gin report nga kapierdehan. Nag mobilize na sang 105 ka paravets sa pag assess sang damage. Padayon man ang pag padala sang bulig kaangay sang molasses bilang nutritional support sa apektado nga kasapatan.