Isa-isa nga ginserbi sang katapo sang City Legal Office enforcement team ang mga notice to vacate pati na notice to pay sa 26 ka mga naga-arkila sa mga stalls sang Manokan Country kaina sang aga.
Ginsiling na ni City Legal Officer Atty. Romeo Carlos Ting, Jr. nga ang pag-issue sang demand letter kabahin sang tikang agud makahalin na ang mga tenants sa Manokan nga tuyo i-develop sang SM Primeholding Incorporated.
Hulyo 5 ang deadline nga ginhatag sa ila para magbiya sa Manokan.
Ang mga tenants ang natalana kuntani magabalhin sa na sa temporaryo nga pasilidad sang SM nga yara lang sa atubang sang daan nga manokan.
Libre ang mga stalls nga sarang nila baligyaan sa sulod sang 18 ka bulan samtang ginasuguran sang SMPHI ang demolisyon kag pagkaayo sang bag-o nga manokan.
Ugaling nagkambyo ang desisyon sang mga tenants nga indi luyag magsaylo sa ila ginakabig magagmay nga stalls sang SM.
Pila sa ila ang wala nagbaton sang gin-issue nga notices.