Ginbawian sang kabuhi ang isa ka rider matapos makabunggo sa poste sang suga sa Burgos Extension, Barangay Granada sa siudad sang Bacolod, Biyernes sang kaagahon.
Nakaangkon sang malubha nga head injury ang 25-anyos nga biktima nga ginkilala kay alias “Felix.”
Nagasakay ang lalaki sa iya Suzuki Raider 150 nga motorsiklo padulong Barangay Granada proper.
Nag-gwa sa imbestigasyon sang kapulisan nga nag-overtake ang rider sa outerlane kag nakabunggo sa poste sang suga.
Naga-obra sa isa ka bakeshop sa Bacolod ang lalaki.
[sibwp_form id=1]