Sa Police Station 9 sa Bacolod City nagpa record ang 17 anyos nga babaye nga gin alegar nag upod sa iya 23 anyos nga live partner nga gindakop sang katapo sang National Bureau of investigation sa ila ginabantayan nga manokan sa Barangay Cabatangan sa Talisay City kagab-i.
Suno kay Police Capt.Rondyll Tapang, commander sang police Station 9, gin istorya sang 17 anyos nga ginserbihan sang warrant of arrest sa kaso nga robbery ang iya live in partner pero wala sadto sang may napakita nga warrant ang mga otoridad.
Sila ang ginpasakay sa salakyan padulong kuntani sa banwa sang Isabela. Pero sa Barangay Cabug pa lang ginpapanaug na sang ginabulubanta walo ka mga armado nga persona ang 17 anyos nga babaye.
Nagpakilala ang isa sa mga abductors nga katapo sang NBI pero ginsiling naman ni Atty. Renoir Baldovino, ang pamuno sang NBI Bacolod nga wala sila sang operation nga ginpatuman sa Talisay City.
Wala man sang blotter report angut sa gina alegar abduction sa Talisay City PNP.