Ginkumpirmar ni Atty. Marty Go, Secretary to the Mayor nga 21,792 na ka mga senior citizen ang tigayon nga nakabaton sang una nga hagna sang libre nga bugas sa Bacolod City.
Ini ang kabahin sang programa sang gobyerno nasyonal nga “Sa Bagong Pilipinas, Bawat Bayan Makikinabang.”
May 94 million pesos nga pondo ang Bacolod City para sa amo nga proyekto kag tuyo sini nga mahatagan sang 10 ka kilo sang bugas ang mga senior citizen nga naga edad 65 pataas nga wala sang may ginabaton nga social pension.
Sandig sa record sang siudad sa yara sa masobra 36,000 ang mga identify nga mga benepesyaryo para sa amo nga programa. Sa karun may kapin sa 15,000 pa ka mga beneficiary ang wala pa makakuha.
Suno kay Go, may mga unclaimed nga bugas bangud iban sa mga senior citizens ang wala makahibalo nga yara ang ila pangalan sa listahan.
Apisar sini, ginpasiguro sang siudad nga ila gid ihatag ang bugas kutob sa mga nalakip sa listahan.
Ginahulat nalang sang siudad nga makaabot ang dugang pagid nga mga bugas gikan sa gobyerno nasyonal agud masugudan na ang ikaduha nga hagna sang distribution.
[sibwp_form id=1]