Ginkumpirmar ni Land Transportation Office-Negros Island Region OIC regional director Jeck Conlu nga 20 sa 193 ka mga indibidwal sa public transport services nga ginpaidalum sa drug testing sa Dumaguete City, ang nagpositibo sa pag-gamit sang iligal nga droga.
Suno kay Conlu, ini ang pinaka una nga Oplan Harabas sa Negros Oriental kag amo man ang may pinakamadamo nga nagpositibo sa drug test.
Ang mga ginpaidalom sa surprise drug test amo ang mga truck helpers, bus conductors, kag drivers sang truck, bus, tricycle, food delivery, e-trike kag jeepney.
Suno kay Conlu, ang nalakip sa 20 nga nagpositibo sa pag-gamit sang iligal nga droga amo ang 14 ka truck drivers, isa ka truck helper, isa ka jeepney driver, tatlo ka tricycle drivers kag isa ka e-trike driver.
Ginpadala sa Cebu ang resulta sang mga nagpositibo sa drug test para sa confirmatory test.
Kun liwat nga mag-positibo sa confirmatory test, suno kay Conlu, magahimo sang resolusyon ang LTO-NIR, nga iga-aprobahan ni LTO Assistant Secretary Markus Lacanilao, kun iga-revoke ukon suspendihon ang driver’s license sang mga nag-positibo.*
[sibwp_form id=1]