Nakilal-an na sang otoridad ang duha sa tatlo ka mga gina alegar katapo sang New People’s Army nga napatay sa engkwentro sa Barangay Oringao sa Kabankalan sang Domingo sang aga.
Ang mga napatay amo sanday Jomari Calumba, 47 anyos nga taga Barangay Oringao kag Junjun Callete, 42 anyos nga taga Tayasan, Negros Oriental.
Ang ila nga mga bangkay ang nakuha na sang ila nga mga pamilya.
Padayon naman nga gina kakilala pa ang isa ka napatay sa engkwentro.
Gina usisa man karon sang army upod sang PNP ang isa sa mga napatay nga naka suksok sang bayo sang Disaster Risk Reduction Management Office sang Binalbagan.
Samtang, isa man ka engkwentro ang nag luntad sa tunga sang PNP kag gina alegar mga katapo sang NPA sa Sta Catalina, Negros Oriental.
Na recover sa engkwentro ang tatlo ka high powererd firearms, isa ka sub-machine gun, isa ka grenade launcher, mga bala kag iban pa nga pagkabutang.
Wala naman sang may na report nga napatay sa engkwentro.