Nagapabilin sa hood sang awto sang ang 27 anyos nga si Jason Valdez matapos makabunggo diri ang iya nga motor sa dalan sa entrance sang Doña Juliana Heights Subdivision sa Bacolod sang Sabado.
Sa imbestigasyon sang PNP, nagadalagan sa separate lane ang awto kag motor ni Valdez sang hinali lang mag overtake si Valdez sa iya gina sundan man nga motor.
Didto kag nag bunggo ang iya motor sa naga sugata nga awto. Gilayon man gindala sa ospital si Valdez kag padayon karon nga ginabulong.
Samtang, ginabulong man karon ang bike rider nga si Christopher Sandigan matapos gina alegar malapakan sang goma sang pickup kahapon sa dalan bahin sang Barangay Banago sa Bacolod.
Suno sa PNP, natumba si Sandigan sa iya bike matapos madulaan sang kontrol sang gulpi mag untat ang tricycle nga iya gina sundan.
Ang pangunahan nga goma sang pickup nga nag overtake man sa tricycle amo ang ginaalegar nakalapak sa ulo ni Sandigan. Padayon karon ini nga ginabulong suno sa pulis.