Duha ang pilason, lakip na ang barangay tanod sa nagluntad nga kinagamo sa basketball game sa Barangay Granada sa Bacolod City.
Makita sa video ang pag-rambol sang mga players kag nagalantaw sang basketball, pati ang paglinupad sang mga monobloc chairs.
Ginsiling ni Police Capt. Andy Ofalia, hepe sang Station 5 nga base sa ila imbestigasyon, nagsulod sa court ang tatay sang isa ka player kag bangud naga-init na ang hampang, didto kag nagsugod ang kinagamo.
Gilayon man nga narespondehan sang mga tanod kag naka-standby nga pulis ang insidente kag napakalma ang mga nag ginamo.
Subong nga adlaw, maga-atubangay ang mga nag intra sa gamo pati na ang barangay kag Sanguniang Kabataan agud istoryahan ang mga posible ipatuman nga penalidad sa mga players.
Bangud sang insidente, magapatuman sang estrikto nga security measures ang Police Station 5 kaangay sang pagdugang police deployment kag pagkapkap sa mga manugtan-aw.
Sa masunod nga inadlaw patigayunon ang championship sang nasambit nga basketball game sa tunga sang nagkalain-lain nga hacienda kon sa diin yara sa P5,000 ang premyo sa magadaog.
[sibwp_form id=1]