Patay ang nagadala sang motor kag ang iya nga backrider sang mabunggo sa dumptruck sa Sitio Crossing Saging, Barangay Cambagahan, Bais City, Negros Oriental Lunes sang hapon.
Base sa report sang Bais City Police Station, ang dump truck ang ginamaneho ni alias Nick Escanilla, kag ang motor naman ang ginadala sang 20 anyos nga si alias Melogen kag ang iya pasahero ginkilala kay Carmelito 51 anyos.
Ang dump truck kargado sang tubo pakadto sa Barangay Pañabonan, Mabinay kag naga dalagan naman sa opposite direction ang motorsiklo.
Pag-abot sa nagakurbada nga dalan nawad-an sang kontrol ang nagadala sang motor kag nagsaylo sa pihak nga lane kag nagrekta bunggo sa truck.
Patay na sang mag abot sa ospital ang duha ka sakay sa motorsiklo.
Gindala naman sa police station sang Bais ang truck driver.*
[sibwp_form id=1]