Patay ang 57 anyos nga si Dante Orocio matapos bun-on sang makapila ka beses sang Dominggo sa Barangay Kapitan Ramon sa siudad sang Silay.
Sa imbestigasyon sang PNP, nagapanglakaton lang sa kilid sang dalan sang ang biktima sang siya ang gulpi lang nga gi buno sang makapila ka beses sang suspek nga si Rafel Abbaraintos Jr.
Suno kay Police Major Rollie Pondevilla, mahimo gin atake sang nervous breakdown ang suspek amo nga gilayon niya na lang nga gin buno si Orocio nga indi niya man kilala.
Na aresto man sang otoridad ang suspek kag siya ang gindala sa Silay PNP kag ginpasakaan na sang kaso.
Samtang sang Biyernes, papuli naman kun tani ang 48 anyos nga si Arnold Rivera kag iya misis sakay sa motorsiklo sang sila ang gin balbagan sang isa ka salakyan kag duha ka motorsiklo.
Nagpanaog suno sa pulis ang apat ka sakay kag isa sa ila ang nag palapit sa kay Rivera kag nag tiro sa iya guya kag abaga.
Patay sa pag paniro si Rivera samtang wala naman nila matandog ang iya live-in partner.
Ginahibalo pa sang PNP ang motibo sa pag patay sa biktima.