Patay na sang masapwan sang otoridad sang lunes sa kilid sang suba sa Barangay Taloc sa Bago City ang 39 anyos nga si Rommel Cornel matapos ini gin report nga missing sang Domingo.
Sa imbestigasyon sang Bago PNP, upod nga nag pauli si Cornel kag iya sini hinablos Dominggo sang gab-i, pero suno sa pulis gin bilin siya sa kilid sang suba sang iya hinablos bangud sang tuman nga ka kahubog. Ang hinablos lang amo ang nag tabok sa suba kag nag pangayo sang bulig apang sa iya pagbalik, wala na ang iya tiyo.
Pagka sunod na nga adlaw na kita ang lawas sang biktima duha ka kilometro ang kalayuon kag posible gin anod ini sang suba kun sa diin siya nalumos.
Samtang, patay man sang Lunes ang 57 anyos nga si Warlinda Yanson matapos malumos man sa baybay sa Barangay Zone 1 sa Pulupandan.
Suno sa PNP, kuhaon lang kun tani ni yanson ang isa ka cauayan nga naga lutaw sa baybay sang siya ang gin dala sang makusog nga balod sa tunga sang lawod.
Gin tuinguhaan pa nga mabuligan sang mga mananagat ang biktima kag gindala sa ospital pero gin deklarar man ini nga dead on arrival.